Frjósemiaðgerðir, greiðsluþátttaka

Frjósemimeðferðir kosta sitt og ef endurtaka þarf meðferðir safnast kostnaðurinn saman og getur orðið mjög verulegur.

Sjúkratryggingar Íslands (SÍ) taka þátt í grieðslum frjósemiaðgerða, hér heima og erlendis samkvæmt lögum og reglugerðum samanber eftirfarandi:

• Reglugerð um þátttöku sjúkratrygginga í kostnaði við tæknifrjóvganir sem veittar eru án samnings við Sjúkratrygginga Íslands nr 1239 / 2018.
• Breyting (1.) á reglugerð nr. 1239 / 2018 um þátttöku sjúkratrygginga í kostnaði við tæknifrjóvganir sem veittar eru án samnings við SÍ

Frjósemiaðgerðir teljast fyrirfram ákveðnar læknismeðferðir.  SÍ taka þátt í að greiða slíkar meðferðir bæði hér heima og erlendis sjá hér:

• Nauðsynleg meðferð sem ekki er í boði á Íslandi
• Ef bið eftir meðferð á Íslandi er lengri en 3 mánuðir á fólk rétt á greiðsluþátttöku SÍ við að sækja meðferð erlendis, sjá hér.
• Heppilegt er að læknir sem þekkir þitt vandamál sæki um fyrir þig.
• Sótt er um á sérstöku formi sem nálgast má á vef SÍ, sjá hér.
• Heimilisfang og aðgrar upplýsingar um EmBIO eru hér.
• SÍ fundar á 4ja vikna fresti um umsóknir.
• Þegar niðurstaðan liggur fyrir setur SÍ hana í svokallað Réttindagátt SÍ, sjá www.sjukra.is.  Þeir sem ekki hafa sett hana upp geta gert það með því að fara inn á sjukra.is, sjá mynd. Þar má setja inn sitt netfang til að fá tölvupósta þegar nýtt skjal kemur í gáttina svo sem niðurstaða SÍ varðandi umsókn um greiðsluþátttöku vegna heilbrigðisþjónustu.

Í sumum tilvikum fæst skattaafsláttur vegna heilbrigðisútgjalda sem þessara.  Gefa þarf upp kostnaðinn á skattaskýrslum og hafa tiltæk gögn um kostnaðinn til að geta fært sönnur á hann.

Sum stéttarfélög taka þátt í heilbrigðiskostnaði sem þessum.  Hver og einn þarf að sækja um greiðsluþátttöku til síns stéttarfélags.