Dagskrá, ferðadagar

KCM sjúkrahúsið gerir magaermi- og aðrar slíka skurðaðgerðir nánast alla laugardaga.  Annan hvern föstudag er ESG, “magaermi gegnum munn” á dagskrá.

Nánast alltaf er hægt að komast að ef pantað er með fyrirvara. Öruggara er áður en flugfar er keypt að fá staðfest hjá HEI að laust sé í aðgerð.

Gott er að vera kominn á hótel í Jelenia Góra 2 dögum fyrir aðgerð og dvelja verður á svæðinu að lágmarki í 2 sólarhringa eftir aðgerð en betra að ætla sér 3-4 daga á svæðinu eftir aðgerð.

Wizz air flýgur beint á milli Reykjavíkur og Wroclow sem er í um 1,5 klst. akstursfjarlægð frá Jelenia Góra.  Bílstjóri KCM sækir fólk á flugvöllinn, ekur á hótel og til baka í lok dvalar sem og eftir þörfum milli hótels og spítala. Gefið er fast hagstætt verð í aksturspakka.

Sumum hentar að fljúga til Berlín eða Warsáw. Þaðan er auðvelt að ferðast til Jelenía Góra.

Hægt er að fara hvenær sem er á eigin vegum og stundum í hópferð, sjá hér neðar.

Velkomið að hafa samband við HEI til að fá ráðgjöf um flug.

Enskumælandi sjúklinga-tengiliður er til staðar hjá KCM.  Gott getur verið að taka fylgdarmanneskju með til aðstoðar, sérstaklega í einstaklingsferðum.