Hjáveituaðgerð

Venjuleg hjáveituaðgerð er meira inngrip en til dæmis magaermi.  Sjá einnig svokallað minni-hjáveituaðgerð.

Hjáveituaðgerð er mest notuð þegar um verulega ofþyngd er að ræða það er fyrir fólk með BMI á bilinu 35 til 52. 

Í magahjáveitu er 95% af maganum aftengt. Þannig er aðeins 5% af maganum sem tekur á móti fæðu. Þetta veldur því að einstaklingurinn getur einungis borðað lítið í einu. Á fyrstu mánuðunum eftir hjáveituaðgerðina stækkar magasekkurinn aðeins, en hann verður aldrei eins stór og upprunalega.

Neysla stjórnast að hluta til sjálfkrafa þar sem maður finnur fyrir ónotum í maganum ef maður borðar of mikið í einu. Í

 magahjáveitu er fyrsti þriðjungur af mjógirninu einnig aftengdur þannig að meltingin fer einungis fram í neðri 2/3 hluta mjógirnisins. Ef þú borðar of mikið af fituríkum (orkuríkum) mat, munu þarmarnir aðeins taka upp hluta af fitunni í matnum, sem getur valdið  lausum hægðum. Þegar maginn hefur verið minnkaður verða breytingar á bæði tauga- og hormónastýringarkerfinu sem stjórnar meltingunni. Þetta veldur því að flestir missa að mestu hungurtilfinninguna og löngunina til að borða of mikið.